२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

नेकपामा यसरी मिल्यो पुर्व एमाले माओवादीलाई जबसमा भागबण्डा

नेकपामा यसरी मिल्यो पुर्व एमाले माओवादीलाई जबसमा भागबण्डा

सत्तारुढ नेपाल कम्युनिस्ट पार्टी (नेकपा) को सचिवालय बैठकले अधिकांश जनवर्गीय संगठनको नेतृत्वको टुंगो लगाएको छ ।

बिहीबार प्रधानमन्त्री निवास बालुवाटारमा बसेको बैठकले नेकपामा २२ जनवर्गीय संगठनमध्ये धेरैजसोको भागबन्डाको टुंगो लगाएको हो ।

जसअनुसार विद्यार्थीको संयोजकमा ऐन महर र सहसंयोजकमा रञ्जित तामाङ वा तामाङले नमाने सुरेन्द्र बस्नेत रहने गरी सहमति जुटेको छ ।

महर तत्कालीन एमाले निकट विद्यार्थी संगठन अनेरास्ववियू र तामाङ तत्कालीन माओवादी निकट विद्यार्थी संगठन अखिल (क्रान्तिकारी) का नेता हुन् ।

यस्तै युवामा रामप्रसाद सापकोटा दिपशिखा संयोजक र सहसंयोजकमा रमेश पौडेल रहने सहमति जुटेको छ । सापकोटा तत्कालीन माओवादीका र पौडेल तत्कालीन एमाले निकट यूवा संगठनका नेता हुन् ।

महिलामा सांयोजक अमृता थापा र सहसंयोजक सीता पौडेलको नाममा सहमति बनेको छ । थापा तत्कालीन माओवादी निकट महिला र पौडेल तत्कालीन एमाले निकट महिला संगठनकी नेतृ हुन् ।

यसबाहेक मजदुर विनोदमा श्रेष्ठ संयोजक र जगत सिम्खडा सहसंयोजक रहने सहमति छ । श्रेष्ठ तत्कालीन एमाले निकट र सिम्खडा तत्कालीन माओवादी निकट मजदुर संगठनका नेता हुन् ।

प्रेस संगठनमा तत्कालीन माओवादी निकट प्रेस सेन्टरका अध्यक्ष महेश्वर दाहाल संयोजक र तत्कालीन प्रेस चौतारीका अध्यक्ष गणेश बस्नेत सहसंयोजक रहने गरी सहमति जुटाइएको छ ।

त्यसैगरी बुद्धिजिवीमा दिनेशचन्द्र देवकोटा संयोजक र कृष्ण केसी सहसंयोजक रहने सहमति बनेको छ । देवकोटा तत्कालीन एमाले निकट र केसी तत्कालीन माओवादी निकट बुद्धिजिवी संगठनका नेता हुन् ।

जनबर्गीय संगठनका सवै नाम टुंगो लगाएर भोलि पार्टी एकताको एक बर्षको अवसरमा आयोेजित कार्यक्रममा घोषणा गर्ने तयारी छ ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij