२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

सर्वेक्षण अनुसार न्युन ज्यालादारी कामदार अझै धेरै

सर्वेक्षण अनुसार न्युन ज्यालादारी कामदार अझै धेरै

नेपाल टेड्र युनियन महासंघ (जिफन्ट)ले मंगलबार सार्वजनिक गरेको श्रम कानुन कार्यान्वयनको अवस्थासम्बन्धी सर्वेक्षणमा ४४ दशमलव शून्य ७ प्रतिशत श्रमिकलाई रोजगार सम्झौता नगरी काममा लगाउने गरेको पाइएको उल्लेख गरेको छ ।

जिफन्टका अध्यक्ष विनोद श्रेष्ठले बुधबार मनाइने अन्तर्राष्ट्रय श्रमिक दिवसको अवसर पारेर ५९ वटा उद्योग र प्रतिष्ठानमा गरेको सर्वेक्षणमा ६१ प्रतिशत श्रमिक नियमित रोजगारीमा रहेको पाइएको जानकारी दिए । सरकारले बालश्रम निर्मूल गर्ने लक्ष्य राखे पनि अझै पनि ठूला भनिएका औद्योगिक प्रतिष्ठानमा ३ दशमलव ३९ प्रतिशत बालश्रमिक रहेको सो सर्वेक्षणमा उल्लेख छ । जिफन्टले सार्वजनिक गरेको सर्वेक्षणबाट श्रम ऐनले तोकेको भन्दा बढी काम गर्न बाध्य श्रमिकको संख्या पनि उल्लेख्य रहेको पाइएको छ ।

जिफन्टका अध्यक्ष श्रेष्ठका अनुसार यस सर्वेक्षणमा संलग्न मध्ये ५९ दशमलव ३२ प्रतिशत श्रमिकहरूले तोकिएको समयभन्दा बढी काम गरेका छन् । श्रम ऐन, २०७४ ले श्रमिकलाई दैनिक ८ घण्टा र साप्ताहिक रूपमा ४८ घण्टाभन्दा बढी समय काममा लगाउन नपाउने व्यवस्था गरिएको छ । यसैगरी, नियमअनुसार बिदा नदिने औद्योगिक प्रतिष्ठानहरू पनि ४२ दशमलव ३७ प्रतिशत रहेको उल्लेख छ ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij