२०८३ मंसिर ६ शनिबार

Nov 21 2026 Saturday

  • २०८३ मंसिर ६ शनिबार

२०८३ मंसिर ६ शनिबार

अमेरिकाविरुद्धको पहिलो टी-२० मा नेपाल १७ रनले विजयी

अमेरिकाविरुद्धको पहिलो टी-२० मा नेपाल १७ रनले विजयी

काठमाडौं । अमेरिकाविरुद्धको टी–२० शृंखलाअन्तर्गत पहिलो खेलमा नेपालले सहज जित निकालेको छ। आज सम्पन्न खेलमा नेपालले अमेरिकालाई १७ रनले हराएको हो । नेपालले दिएको १६५ रनको लक्ष्य पछ्याएको अमेरिकाले ७ विकेटको क्षेतिमा १४७ रन मात्र बनाउन सक्यो।

अमेरिकाका लागि शायान जहानगिरले अविजित ६० रन बनाए भने आन्द्रेज गोउसले ३० तथा मिलिंद कुमारले २२ रन बनाएका थिए।

नेपालका दीपेन्द्र सिंह ऐरीले तीन विकेट लिए । यसअघि अमेरिकाको डलासस्थित ग्राउण्ड पेरी स्टेडियममा घरेलु टोलीले टस जितेर फिल्डिङ रोजेपछि ब्याटिङ गरेको नेपालले निर्धारित २० ओभरमा ९ विकेटको क्षतिमा १ सय ६४ रन बनाएको थियो।

नेपालका कप्तान रोहित पौडेलले सर्वाधिक ४९ रनको योगदान गरे। दिपेन्द्र सिंह ऐरि २८ रन बनाउँदा अनिल शाह र आशिफ शेखले २७/२७ रन बनाएर आउट भए। अमेरिकाका लागि हरमित सिंह, शुभम नेत्रभल्कर र जसदिप सिंहले समान २ विकेट लिए।

जितसँगै नेपालले ३ खेलको सिरिजमा १-० को अग्रता बनाएको छ। अब दोस्रो खेल आइतबार बिहान हुने छ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij