२०८३ मंसिर ६ शनिबार

Nov 21 2026 Saturday

  • २०८३ मंसिर ६ शनिबार

२०८३ मंसिर ६ शनिबार

पहिरोले काठमाडौं उपत्यका प्रवेश गर्ने सबै नाका बन्द

पहिरोले काठमाडौं उपत्यका प्रवेश गर्ने सबै नाका बन्द

काठमाडौं । अविरल वर्षापछि आएको बाढीपहिरो तथा डुबानका कारण देशभर २३ सडकका ६३ स्थानमा यातायात पूर्ण रुपमा अवरुद्ध भएको छ । सडक विभागले आज दिउँसो १२ बजेसम्म सङ्कलन गरेको प्रारम्भिक विवरणअनुसार बाढीपहिरोका कारण हिमाली तथा पहाडी क्षेत्रका अधिकांश सडकखण्डमा यातायात आवागमन प्रभावित भएका छन् ।

प्रारम्भिक विवरणअनुसार २३ बाटोका ६३ स्थानमा अवरुद्ध भएका छन् भने काठमाडौँ उपत्यका प्रवेश गर्ने सबै नाका बन्द भएका विभागको सम्भार महाशाखा प्रमुख अर्जुन अर्यालले जानकारी दिए । ‘ठाउँठाउँमा बाटो अवरुद्ध भएकाले विभागका कर्मचारी सबै स्थानमा पुग्न सकेका छैनन् ।

काठमाडौं प्रवेश गर्ने प्रमुख नाका नागढुंगा नजिकै ठूलो पहिरो खसेको छ । नारायणगढ–मुग्लिन–नागढुंगा सडक खण्डका दर्जनौं स्थानमा पहिरो झरेको छ । अर्को नाका त्रिभुवन राजपथ पनि पूर्ण रुपमा अवरुद्ध छ ।

हेटौँडा–भैँसे–पालुङ– काठमाडौं खण्डको पनि धेरै स्थानमा पहिरो खसेको छ । कान्ती राजपथअन्तर्गत हेटौँडा–बागमती–टिकाभैरव–भैँसेपाटी–एकान्तकुना सडक पनि बाढी र पहिरोका कारण अवरुद्ध छ ।

अरनिको राजमार्गबाट काठमाडौं प्रवेश गर्ने दोलालघाट–धुलीखेल– काठमाडौं सडकमा पनि सवारी चल्न सक्ने अवस्था छैन । यस्तै ककनी–बालाजु र छहरे–टोखा सडक पनि बन्दछ ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij