२०८३ मंसिर ६ शनिबार

Nov 21 2026 Saturday

  • २०८३ मंसिर ६ शनिबार

२०८३ मंसिर ६ शनिबार

लगानीकर्ताका समस्या समाधान हुने गरी काम गर्न अर्थमन्त्रीकाे निर्देशन

लगानीकर्ताका समस्या समाधान हुने गरी काम गर्न अर्थमन्त्रीकाे निर्देशन

अर्थमन्त्री जनार्दन शर्माले सेयर किनेकै दिन विक्री गर्न सक्ने व्यवस्था मिलाउन नेपाल धितोपत्र बोर्ड (सेबन)का अध्यक्ष र नेपाल स्टक एक्सचेञ्ज (नेप्से) का प्रमुख कार्यकारी अधिकृतलाई निर्देशन दिएका छन् ।

बुधबार धितोपत्र बोर्डका अध्यक्ष रमेश हमाल र नेप्सेका सीईओ कृष्णबहादुर कार्कीलेसँगको छलफलमा अर्थमन्त्री शर्माले सेयर किनेकै दिन विक्री गर्न सक्ने व्यवस्था मिलाउन र ब्रोकरलाई व्यवस्थित गराउन निर्देशन दिएका हुन् ।

शर्माले फोनबाटै सेयर कारोबार, सेटलमेन्ट ग्यारेन्टी, भविष्यको मूल्यांकन गरेर सेयर खरिदबिक्री, मार्जिन ल्यान्डिङमा सुधार गर्न सक्ने व्यवस्था मिलाउन समेत आग्रह गरे । अर्थमन्त्री शर्माले ५० लाखको हाराहारी लगानीकर्ताहरु सेयर बजारमा जोडिएको भन्दै लगानीकर्ताहरुलाई प्रतिफल दिने गरी काम गर्नुपर्ने बताए ।

शर्माले भने, ‘५० लाखको हाराहारीमा मान्छे जोडिएका छन् । दोस्रो बजारमा नै ११ लाख सक्रिय छन् । साना लगानीकर्ताहरु समस्यामा परेका छन् । त्यो समस्या पनि समाधान गर्नुपर्छ । एसेम्बल गर्ने कम्पनीहरुलाई पनि पुँजी बजारमा भित्र्याउनका लागि काम गर्नुपर्ने बेला आएको छ ।’

अर्थमन्त्री शर्माले सेयर बजार सेटिङमा चल्ने गरेको गुनासो समेत गरे । अर्थमन्त्री शर्माले भने, ‘नेपाली सेयर बजारमा विभिन्न चलखेल हुने गरेको छ । सेटिङमा नै सेयर बजार घटाउन र बढाउन केही लागेका छन् । यो प्रवृत्तिलाई कसरी रोक्न सकिन्छ भनेर अर्थ मन्त्रालयले काम गरिरहेको छ ।’

कसरी बजार सुधार गर्ने र के गर्दा लगानीकर्ताको लगानी सुरक्षित हुन्छ भनेर मन्त्रालय लागि रहेको अर्थमन्त्री शर्माले बताए । पुँजीबजारले नै पुँजी निर्माण र लगानीकर्ताहरुलाई प्रतिफल दिने गरी काम गर्नुपर्ने भन्दै उनले धेरैले नबुझी सेयर बजार लगानी गरेको उल्लेख गरे ।

‘नबुझेका लगानीकर्ताहरुलाई पनि बुझाउन आवश्यक रहेको छ । इन्साइडर ट्रेडिङ भइरहेको छ । त्यसलाई रोक्नु पर्छ ।’ उनले भने ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij