२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

अमेरिकी राजदूतलाई सर्वसाधारण संग संवाद गर्न सरकारद्वारा रोक

अमेरिकी राजदूतलाई सर्वसाधारण संग संवाद गर्न सरकारद्वारा रोक

नेपालका लागि अमेरिकी राजदूत रेन्डी बेरीले सामाजिक सञ्जालमार्फत् नेपाली सर्वसाधारणसँग संवाद गर्ने कार्यक्रम रोक्न सरकारले ध्यानाकर्षण गराएको छ । राजदूत बेरीले सोमबार फेसबुक र ट्विटरजस्ता सामाजिक सञ्जालका ४० लाख फलोअर्ससँग प्रत्यक्ष भेट सम्भव नभएको उल्लेख गर्दै सामाजिक सञ्जालमै प्रश्नोत्तर गर्ने घोषणा गरेका थिए । सरकारले यो कार्य अन्तर्राष्ट्रिय कूटनीतिक प्रचलनविपरीत भएको भन्दै बन्द गर्न भनेको हो ।

‘हामीले यस सम्बन्धमा अमेरिकी राजदूतलाई आवश्यक रेस्पोन्स गरेका छौँ । यो काम प्रचलित कूटनीतिक अभ्यासभित्र पर्दैन,’ परराष्ट्रमन्त्री प्रदीप ज्ञवालीले नयाँ पत्रिकासँग भने, ‘यही अभ्यास अरू राजदूतले पनि गर्न खोज्लान् । हरेक देशका राजनीतिक विषयमा बहस हुने र अनावश्यक विवादमा पर्ने कार्य सही होइन भन्नेमा हामी स्पष्ट छौँ । कूटनीति सञ्चालनसम्बन्धी अन्तर्राष्ट्रिय सिद्धान्त र अभ्यास उहाँहरूले बुझ्नुभएको छ भन्नेमा सरकार विश्वस्त छ ।’

राजदूत बेरीले आफ्नो ट्विटर ह्यान्डलमा अमेरिकी दूतावासका सामाजिक सञ्जाल फलो गर्ने ४० लाखजनासँग सीधै भेटवार्ता गर्न नसकिने भएकाले अन्तरक्रिया गर्न खोजेको जिकिर गरेका छन् । फेसबुकमा करिब ३४ लाख र ट्विटरमा करिब ४ लाख र राजदूतकै करिब दुई लाख ‘फलोअर्स’ छन् ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij