२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

नक्कली बम देखाएर धम्काउनेलाई पक्राउ भए

नक्कली बम देखाएर धम्काउनेलाई पक्राउ भए

रौतहटको सदरमुकाम गौरमा नक्कली बम राखेर ब्यापारीलाइ आंतकित पार्दै रकम असुल्ने एक भारतीयसहित दुई जनालाई जिल्ला प्रहरी कार्यालय रौतहटले शुक्रबार सार्वजनिक गरेको छ ।

एक हप्ता अघि गौर नगरपालिका वडा नं. ५ धड्कन चोकमा नक्कली बम राखी व्यपारीसंग रकम असुल्नेलाई शुक्रबार जिल्ला प्रहरी कार्यालय रौतहटमा पत्रकार सम्मेलन गरी सार्वजनिक गरिएको थियो ।

पक्राउ पर्नेमा भारत बिहारका प्रेम पासवान र गौर नगरपालिका वडा नं. ५ का किशोर रायलाई प्रहरीले शुक्रबार पक्राउ गरेको छ । नक्कली बम राखेर ब्यापारीसँग २० लाख असुलेको आरोपमा दुई जनालाई पक्राउ गरिएको प्रहरीले बताएको छ ।

गौरमा रहेको एक पसल नजिकै शंकास्पद बस्तु राखेर उनीहरुले व्यापारीसंग २० लाख रुपैयाँ लिएका थिए । रकम नदिए उक्त बम पड्काउने भन्दै ब्यापारीसंग रकम असुल्ने गरेको प्रहरीले जनाएको छ ।

पक्राउ परेका पासवानले व्यापारी धम्क्याउने र राय बम बनाउने काममा संग्लन रहेको जिल्ला प्रहरी कार्यालय रौतहटले जनाएको छ । प्रहरीले उनीहरुको साथबाट ४ थान मोबाइल, नेपाली र भारतीय टेलिकमका सीम बरामद गरेको छ । तर गौरमा फेला परेको शंकास्पद बस्तु बम नभई होक्स बम (नक्कली) भएको प्रहरीले बताएको छ ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij