
सरकारसँग दुई महिनाअघि ११ बुँदे सहमति गरेर मूलधारको राजनीतिमा अवतरण गरेका सिके राउतले निर्वाचन आयोगमा दल दर्ताको निवेदन दिएका छन् । ३५ जना केन्द्रीय सदस्यसहित राउत नेतृत्वको जनमत पार्टी आइतबार आयोग पुगेको हो ।स्वतन्त्र मधेस गठबन्धनका नाममा पृथकतावादी गतिविधि गरिरहेका राउतले गत २४ फागुनमा संविधानबमोजिम गतिविधि गर्ने सहमति गरेका थिए । ‘यतिन्जेल दल दर्ताकै तयारीमै थियौँ, विधान लेख्नेदेखि सदस्यता वितरणसम्मको काममा केही समय लाग्यो,’ जनमत पार्टीका केन्द्रीय सदस्य चन्दन सिंहले भने, ‘यसअघि संगठन विस्तार र अन्य विभिन्न कामको चापले दल दर्ता प्रक्रियामा जान सकिरहेका थिएनौँ । अहिले विधान र केन्द्रीय समिति संविधानअनुसार समावेशी बनाएर आयोगमा निवेदन दिएका छौँ ।’
सरकारसँग सहमति गरेलगत्तै मधेस झरेका राउतले गठबन्धनको भेलाबाट जनमत पार्टी घोषणा गरेका थिए । आयोगका प्रवक्ता शंकरप्रसाद खरेलले भने, ‘केन्द्रीय समितिसहित आयोगमा निवेदन आएको छ ।’ ४५ दिनभित्र संविधानअनुरूप मापदण्ड पुगे–नपुगेको जाँच गरी प्रमाणपत्र दिइने जनाईएको छ | आजको नयाँ पत्रिका दैनिकबाट |
© 2026 All right reserved to सेताेघर मिडिया नेटवर्क प्रा लि | Site By : Sobij