२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

ट्याक्सी चालकको अमानवीय व्यवहार : बिरामीलाई ट्याक्सी बाहिर फालिदिए

ट्याक्सी चालकको अमानवीय व्यवहार : बिरामीलाई ट्याक्सी बाहिर फालिदिए

ग्राहकलाई भगवान् मान्ने ट्याक्सीचालकले नै बिरामी यात्रुलाई ट्याक्सीबाट निकालेर सडकमै फालिदिन्छन् र यात्रुको मृत्यु हुन्छ भन्ने सायदै सोचिन्छ। बाटो नदेखे वा निश्चित गन्तव्यसम्म जान ट्याक्सी प्रयोग गरिन्छ। त्यसैले ट्याक्सीलाई सुरक्षित सवारीसाधन पनि मानिन्छ। तर बुधबार भने एक चालकले ट्याक्सीमा बिरामी भएका यात्रुमाथि कसैले नसोचेको संवेदनाहीन व्यवहार गरे। जसका कारण यात्रुको ज्यान गयो।

घटना विवरण अनुसार गोकर्णेश्वर नगरपालिका ४ घर भएका ६० वर्षीय गोपाल काररन्जित अस्पतालमा जँचाएर घर फर्कन ट्याक्सी चढे। ट्याक्सीमा उनलाई हृदयाघात (हर्टअट्याक) भयो।। ट्याक्सीचालक दोलखा मेलुङका ५० वर्षीय कमलबहादुर श्रेष्ठले काररन्जितलाई नजिकै रहेका अस्पताल नलगी निकालेर बाटोमै फालिदिए। र, उनको मृत्यु भयो। चावहिलस्थित मेडिकेयर अस्पतालमा स्वास्थ्य जाँच गराएर ट्याक्सीमा घर फर्कने क्रममा काररन्जितलाई हृदयाघात भएको थियो। ट्याक्सीचालक श्रेष्ठले २ सय मिटर अघि लगेर ती बिरामीलाई सडकमा फालिदिएका थिए। यो घटना बुधबारको हो। कारन्जित मधुमेह र उच्च रक्तचापका बिरामी थिए। उनी नियमित जाँचका लागि मेडिकेयर अस्पताल आएका थिए।

महानगरीय प्रहरी गौशाला वृत्तका प्रहरी नायब उपरीक्षक (डिएसपी) सुनिल मल्लका अनुसार चालक श्रेष्ठले अघिल्लो सिटमा रहेका काररन्जितलाई मानवीयतासमेत भुलेर बाहिर निकालेर बाटोमा फालेर हिँडेको दृश्य सिसिटिभी फुटेजमा कैद भएको छ। त्यसकै आधारमा प्रहरीले बा१ख ३८५१ नम्बरका ट्याक्सीचालक श्रेष्ठलाई पक्राउ गरेको छ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij