२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

नेपाल टेलिकमद्वारा मिर्मिमा टेलिफोन क्षमता विस्तार

नेपाल टेलिकमद्वारा मिर्मिमा टेलिफोन क्षमता विस्तार

स्याङ्जा । नेपाल टेलिकम दूरसञ्चार कार्यालय गल्याङले स्याङ्जाको पर्यटकीय क्षेत्रको रुपमा रहेको मिर्मिमा आफ्नो पीएसटीएन टेलिफोन लाईन तथा एडीएसएल वितरणको क्षमतामा विस्तार गरेको छ । विस्तार पश्चात अब पीएसटीएन तथा एडीएसएल सेवाका नयाँ उपभोक्ताहरुले सहजै सेवा प्राप्त गर्ने भएका छन् ।

नेपाल टेलिकम दूरसञ्चार कार्यालय गल्याङका कार्यालय प्रमुख रामराज उपाध्यायका अनुसार मिर्मिका उपभोक्ताहरुले नयाँ लाइन नपाएका कारण एडीएसएल समेत चलाउन नपाएको अत्याधिक गुनासो आएको र उपभोक्ताको माग सम्बोधनस्वरुप हाललाई यस अघि वितरित लाइन भन्दा ४८ लाइनको क्षमता मात्रै विस्तार गरिएको हो ।

तथापी आगामी दिनमा माग बढ्दै गए पुनः क्षमता विस्तार गर्दै लगिनेछ उनले बताए । समयमा नयाँ लाइन नपाएका कारण विगत दुई महिनादेखि लाईनको पर्खाइमा रहेको प्राइम कमर्शियल बैंक मिर्मि शाखाले अब आफूलाई आवश्यक लाइन तुरुन्त पाइने भएकोमा खुसि लागेको बैंकका शाखा प्रबन्धक लोक बहादुर कुँवरले बताए ।

नेपाल टेलिकमद्वारा वितरित पीएसटीएन लाइन भरपर्दो टेलिफोनका रुपमा लिइन्छ भने सो मार्फत फाइभ एमबीपीएस स्पिड क्षमता भएको हाईस्पिड ब्रोडव्याण्ड एडीएसएल इन्टरनेट समेत सहजै चलाउन सकिन्छ ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij