काठमाडौं । सर्वोच्च अदालतले अनुमति नलिएका सामाजिक सञ्जाल र ओटीटी एपहरू बन्द गर्न सरकारलाई बाटो खोलेको छ।

पाँच वर्षअघि दायर रिटमाथि फैसला सुनाउँदै न्यायाधीश टेकप्रसाद ढुंगाना र शान्ति सिंह थापाको इजलासले अनधिकृत रूपमा विदेशी विज्ञापनसहित सामग्री प्रसारण गर्ने प्लेटफर्म नियन्त्रण गर्न सरकारलाई आदेश दिएको हो।

सञ्चार मन्त्रालय, विज्ञापन बोर्ड र दूरसञ्चार प्राधिकरणलाई विपक्षी बनाइएका रिटमार्फत विदेशी विज्ञापनसहित अनधिकृत प्लेटफर्म नियन्त्रणको माग गरिएको थियो।

अदालतको आदेशसँगै सरकारले अनुमति नलिएका सामाजिक सञ्जाल तथा ब्राउजरमार्फत हुने विज्ञापन प्रसारण रोक्न सक्ने भएको छ।