काठमाडाैं । कृषि विकास बैंकले नाइमा मोबिलिटी एक्स्पोको अवसर पारेर व्यक्तिगत गाडी कर्जामा विशेष छुट योजना सार्वजनिक गरेको छ।

सार्वजनिक गरिएको विशेष योजनाअनुसार नाइमा मोबिलिटी एक्स्पोमा नयाँ गाडी खरिद गर्ने ग्राहकले ब्याजको प्रिमियम दर र सेवा शुल्क दुवैमा ३३.३३ प्रतिशतसम्म छुट पाउनेछन्।

नयाँ गाडी किन्न इच्छुक ग्राहकका लागि आफूलाई पायक पर्ने नजिकैको बैंक शाखामा गएर कर्जाको आवेदन दिन मिल्ने व्यवस्था गरिएको छ। आवश्यक कागजपत्र पूरा भएपछि बैंकले गाडी खरिदका लागि तुरुन्तै स्वीकृतिपत्र प्रदान गर्ने बताएको छ।

थप जानकारीका लागि नजिकैको शाखामा वा कल सेन्टर नम्बर ०१-५९७०१६१ मा फोन गरेर बुझ्न सकिने बैंकले जनाएको छ।