काठमाडौं । भदौ १९ गते मन्त्रीस्तरीय निर्णयमार्फत बन्द गरिएका सामाजिक सञ्जालहरू सोमबारदेखि पुनः सञ्चालनमा आएका छन्। मन्त्रिपरिषद् बैठकले प्रतिबन्ध हटाउने निर्णय गरेपछि एक्ससहितका प्लेटफर्महरू खुलेका सूचना, सञ्चार तथा प्रविधि मन्त्री पृथ्वी सुब्बा गुरुङले जानकारी दिए।

सरकारले प्रतिबन्ध लगाएको निर्णयको बचाउ गर्दै मन्त्री गुरुङले आन्दोलन तीव्र बनेकाले रोक हटाइएको बताए। यसअघि प्रधानमन्त्री केपी शर्मा ओलीले ‘एक्स’ ले नेपालमा दर्ता नगर्ने अडान लिएर राष्ट्रिय स्वाभिमानमै चोट पुर्‍याएको उल्लेख गर्दै मन्त्रिपरिषदलाई ब्रिफिङ गरेका थिए।

तर, जेनजेड समूहको आन्दोलन चर्किँदा काठमाडौंमा १७ र इटहरीमा २ जनाको ज्यान गइसकेपछि चर्को दबाब झेल्न नसकी सरकार निर्णय फिर्ता लिन बाध्य भएको हो।