२०८३ मंसिर ६ शनिबार

Nov 21 2026 Saturday

  • २०८३ मंसिर ६ शनिबार

२०८३ मंसिर ६ शनिबार

पर्यटन व्यवसायी खुम सुवेदीललाइ ‘प्रबल जनसेवाश्री’काे उपाधि

पर्यटन व्यवसायी खुम सुवेदीललाइ ‘प्रबल जनसेवाश्री’काे उपाधि

काठमाडौं । पर्यटन व्यवसायी एवम् ट्रेकिङ एजेन्सीज एशोसिएसन अफ नेपाल (टान)का निवर्तमान अध्यक्ष खुम बहादुर सुवेदीलाई सरकारले प्रबल जनसेवाश्री मानपदवीले विभूषित गरेको छ ।

नेपाली कांग्रेसका नेता समेत रहेका सफल पर्यटन व्यवसायी सुवेदी आज असोज ३ गते अर्थात् आठौँ संविधान दिवसको अवसरमा राष्ट्रपति विद्यादेवी भण्डारीद्वारा सो पदवीले विभूषित भएका हुन् ।

सुवेदीले पर्यटन र सामाजिक क्षेत्रमा दिएको योगदानकाे कदर गर्दै सरकारले विभुषित गरेको हो ।

धादिङको ज्वालामुखी गाउँपालिका-६, चैनपुरमा जन्मिएका सुवेदी २०४९ सालमा ट्रेकिङ गाइड हुँदै पर्वतीय पर्यटन क्षेत्रमा प्रवेश गरेका हुन् । सुवेदी युनिक एडभेन्चर इन्टरनेसनल प्रा.लि., ट्रिपल ए होलिडेज् र ट्रिपल ए टान्सपोर्ट्का प्रबन्ध निर्देशक समेत रहेका छन् ।

सुवेदी पर्यटन व्यवसायी मात्रै नभई नियात्राकार समेत हुन् । ‘पदयात्राका पाइलाहरू’ र ‘बेल्जियमका क्षणहरू’ सुवेदीका दुई नियात्रा कृतिहरू बजारमा प्रकाशित भइरहेका छन् ।

मानविकी विषयमा स्नातक पुरा गरेका सुवेदीले नेपाली पर्यटन प्रवर्द्धनार्थ ४० भन्दा बढी देशहरूको भ्रमण गरिसकेका छन् । उनी विभिन्न राष्ट्रिय तथा अन्तर्राष्ट्रिय सम्मानहरूबाट सम्मानित भइसेका छन् ।

मन्त्रिपरिषद्को ३१ भदौको निर्णय अनुसार सरकारले संविधान दिवसको अवसरमा विभिन्न क्षेत्रका ९९८ जनालाई उनीहरुको योगदानको कदरस्वरुप विभिन्न तहका मानपदवी, अलंकार र पदक प्रदान गरेको छ ।

 

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij