२०८३ मंसिर ६ शनिबार

Nov 21 2026 Saturday

  • २०८३ मंसिर ६ शनिबार

२०८३ मंसिर ६ शनिबार

मध्य अफ्रिकी गणतन्त्रमा खटिएको नेपाली शान्ति सेनालाई प्रशंसापत्र

मध्य अफ्रिकी गणतन्त्रमा खटिएको नेपाली शान्ति सेनालाई प्रशंसापत्र

मध्य अफ्रिकी गणतन्त्रमा संयुक्त राष्ट्रसंघको शान्ति मिशनअन्तर्गत शान्ति स्थापनार्थ खटिएको नेपाली सेनाको टोलीले प्रशंसापत्र प्राप्त गरेको छ । नेपाली सेनाको जबरजंग गण (शान्ति सेना) तेस्रो डफ्फाले आफ्नो जिम्मेवारी क्षेत्र अन्तर्गत बोयो इलाकामा रहेका हतियारधारी समूहलाई हटाउन सफल भएकोमा प्रशंसापत्र प्रदान गरिएको हो ।

नेपाली सेनाको जनसम्पर्क तथा सूचना निर्देशनालयले दिएको जानकारीअनुसार सो इलाकामा मंसिर २७ देखि पुस ८ सम्म सञ्चालन गरेको गस्ती ‘जबर–१’ तथा पुस ९ देखि हालसम्म सञ्चालन गरेको गस्ती ‘जबर–२’ का क्रममा त्यहाँ रहेका हतियारधारी समूहलाई नेपाली सैनिक टोलीले हटाउन सफल भएको हो ।

मिशन अन्तर्गतको जिम्मेवारी पूरा गर्दै नागरिक सुरक्षामा प्रभावकारी कार्य गरेको भन्दै ‘मिनुस्का, फोर्स हेडक्वाटर’ बाट नेपाली सैनिक टोलीले ‘द फोर्स कमान्डर्स कमेन्डेशन’ प्राप्त गरेको जनाइएको छ ।

 

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij