२०८३ मंसिर ६ शनिबार

Nov 21 2026 Saturday

  • २०८३ मंसिर ६ शनिबार

२०८३ मंसिर ६ शनिबार

राजमार्ग खुलाउने क्रममा गोली चल्दा ५ जना घाइते

राजमार्ग खुलाउने क्रममा गोली चल्दा ५ जना घाइते

धनुषाको गणेशमान चारनाथ नगरपालिकाको पोर्ताहामा पूर्व-पश्चिम राजमार्गअन्तर्गत अवरुद्ध पारेपछि प्रहरीले रबरको गोली चलाउँदा सिके राउत नेतृत्वको जनमत पार्टीका ५ कार्यकर्ता घाईते भएका छन्। घाईते हुनेहरुमा नथुनी यादव, विजय यादव, रामदयाल मुखिया, बैजनाथ यादव र संजय साह रहेका छन्। उनीहरुको उपचार जनकपुरस्थित प्रादेशिक अस्पतालमा भइरहको छ। २ जनाको अवस्था गम्भीर र ३ जनाको अवस्था सामान्य रहेको बुझिएको छ।

राजमार्ग अवरुद्ध गरेकाले गोली चलाउनु परेको धनुषाका प्रहरी प्रवक्ता डिएसपी जितेन्द्र बस्नेतले बताए। ‘राजमार्ग अवरुद्ध गर्न पाइदैन। उनीहरु राजमार्ग अवरुद्ध गरेर उदण्डता प्रदर्शन गरेकाले प्रहरी रबरको गोली चलाउन बाध्य भयो’, उनले भने। उनका अनुसार ११ राउण्ड रबरको गोली र १६ राउण्ड अश्रु ग्यास प्रहार गरिएको थियो।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij