
नेपाल इन्जिनियर्स एसोसिएसनको डा.ई. हरेराम श्रेष्ठ र महासचिव ई. उमेश प्रसाद थानी नेतृत्वको ३१ औं कार्यसमितिमा मैले कार्यकारिणी समिति सदस्यको रुपमा म आफू पनि निर्वाचित भएको थिएँ । उक्त कार्यसमितिमा रहँदा मैले संस्थाका गतिविधिहरुलाई नजिकबाट बुझ्न र अवलोकन गर्न पाएँ । साथै संस्थाले गर्नुपर्ने आगामी कामहरु के हुनुपर्छ र के गर्न सकिन्छ भन्ने सम्बन्धमा पनि थुप्रै कुराहरु सिक्ने अवसर पाएँ । ३१ औं कार्यसमितिमा समेटिएका सबै व्यक्तिहरु सशक्त, जिम्मेवार र कर्तव्यनिष्ठ थियौं । लोकतान्त्रिक समूहको नेतृत्वदायी भूमिका रहेको उक्त कार्यसमिति मार्फत हामीले लोकतान्त्रिक समूहले आफ्नो चुनावी घोषणापत्रमा समेटेका थुप्रै कार्ययोजनाहरुलाई विशेष तयारीको साथ अघी बढाउँदै परिणाम दिन सफल समेत भएका थियौं ।
हाम्रो कार्यकाल मुख्यतः इन्जिनियरिङ क्षेत्रमा देखिएका जल्दाबल्दा विषय र समस्याहरुलाई उठान गराई कसरी सही समाधान वा परिणाम दिन सकिन्छ भन्ने सम्बन्धमा केन्द्रित रहिरह्यौं ।
संस्थालाई संघीय संरचनामा बदल्यौं
डा. ई. हरेराम श्रेष्ठ र महासचिव ई. उमेश प्रसाद थानी नेतृत्वको हामी संलग्न ३१ औं कार्यसमितिलाई मुलुक संघीय संरचनामा गइरहेको अवस्थामा यस संस्थालाई पनि संघीय ढाँचामा नै लैजानुपर्ने दायित्व थियो । त्यसको लागि संस्थाको विधान संशोधन गरेर सफलतापूर्वक यस संस्थालाई संघीय ढाँचामा रुपान्तरण गर्न सफल भयौं । जुन कार्य हाम्रो अग्रसरता एवं सबै सदस्यज्यूहरुको साथसहयोगबाट सम्भव भएको हो ।
डा. ई. हरेराम श्रेष्ठ र महासचिव ई. उमेश प्रसाद थानी नेतृत्वको कार्यसमितिमा रहेर म आफूले पनि थुप्रै कार्यहरुमा नेतृत्वदायी भूमिका निर्वाह गरेको छु । हामी सामुहिक वा संगठनात्मक प्रयाशमा विश्वास गर्छौं । युवा इन्जिनियरहरुलाई महत्वपूर्ण स्थान दिइएको ३१ औं कार्यसमिति समग्रमा सफल कार्यकाल रह्यो भन्नेमा विश्वास गर्न सकिने निम्न आधारहरु छन् ।
क) इन्जिनियरहरुको सेवासुविधा वृद्धि
हामीले संस्थाको नेतृत्व लिने समयमा नेपाल भूकम्प पश्चात् पुनर्निर्माणको क्रममा थियो । देशभरबाट १३ सय भन्दा बढी इन्जिनियरहरु पुनर्निर्माण कार्यमा निरन्तर खटिनुभएको थियो । तैपनि कार्य क्षेत्रमा खटिने इन्जिनियरहरुले आफ्नो कामको तुलनामा उचित सेवा सुविधा प्राप्त गर्न सक्नुभएको थिएन । त्यस सम्बन्धमा अध्यक्ष डा. ई. हरेराम श्रेष्ठ र महासचिव ई उमेश प्रसाद थानीको नेतृत्वमा म लगायतका व्यक्तिहरुको पहलमा नेपाल राष्ट्रिय पुनर्निर्माण प्राधिकरण मार्फत १३ सय भन्दा बढी इन्जिनियरहरुलाई उचित सेवासुविधा उपलब्ध गराउने कार्य गराउन हामी सफल भयौं ।
ख) आइटि अफिसर समस्याको उचित समाधान
नेपाल इन्जिनियर्स एसोसिएसनमा आबद्ध इन्जिनियरहरुका समस्याबारे काम गरिरहेको ३१ औं कार्यसमितिले एसोसिएसनको नेतृत्व गरिरहेको समयमा स्थानीय तहहरुमा आइटि अफिसर राख्ने व्यवस्था कार्यान्वयनमा ल्याइयो । त्यो नियम एउटा सिण्डिकेटको रुपमा आएको थियो । जसअनुसार त्रिभुवन विश्वविद्यालयबाट अध्ययन गरेका व्यक्तिहरु मात्र आइटि अफिसर बन्न पाउने भन्ने कुरा त्यहाँ उल्लेख थियो ।
मेरो नेतृत्वमा रहेको एसोसिएसनको टिमले व्यापक दबाब दिएपश्चात् पछि सबै विश्वविद्यालयमा अध्ययन गरेका व्यक्तिहरुले आइटि अफिसरको रुपमा दरखास्त दिन सक्ने भए । यद्यपि केही समय पछि नै पुनः उक्त नियमलाई असर पर्ने गरी निर्देशिका जारी गरेर इलेक्ट्रोनिक एण्ड कम्युनिकेसनका व्यक्तिहरु आइटी अफिसर बन्न नपाउने तर वि.एड गरेर ६ महिना तालिम लिएको व्यक्तिलाई आइटि अफिसर बन्न पाइने किसिमकाे नियम ल्याइयाे । इलेक्ट्रोनिक्स एण्ड कम्युनिकेसन अध्ययन गरेका व्यक्ति आइटि अफिसर बन्न नपाउने नियम निकै भेदभावकारी थियो । जसले गर्दा हामी पुनः दबाबमा उत्रिनुपर्यो । देशव्यापी रुपमा हामीले विभिन्न स्वरुपका आन्दोलन गर्दै मन्त्रालयमा समेत डेलिगेसन गरिरहँदा सबै स्थानीय निकायहरु इलेक्ट्रोनिक्स एण्ड कम्युनिकेसनका विद्यार्थीहरुलाई समेत आइटि अफिसर बन्न पाउने व्यवस्था गर्न बाध्य भए । अहिले करिब ३ सय इन्जिनियरहरु यस व्यवस्थाबाट लाभान्वित हुनुभएको छ ।
ग) बाह्य इन्जिनियर प्रवेशमा कडाई सम्बन्धमा काउन्सिलमा उजुरी
बाह्य मुलुकबाट नेपालमा आएर काम गर्ने इन्जिनियरहरुमा कम कार्यअनुभव हुनुको अलावा कम पारिश्रमिकमा काम गर्ने प्रचलन छ । त्यसको असर स्वरुप नेपालका थुप्रै इन्जिनियरहरु अहिले पनि वेरोजगार हुनुहुन्छ । यस सम्बन्धमा कुरा उठाउँदै म आफैंले नेपाल इन्जिनियरिङ काउन्सिलमा मुद्दा समेत दर्ता गराएको छु । अझै पनि उक्त मुद्दा सुनुवाई भइसकेको छैन । काउन्सिलले यस विषयमा विशेष चासो नराख्दा थुप्रै स्वदेशी इन्जिनियरहरु प्रताडित हुनुपरेको छ । जुन विषय अहिले अझ पेचिलो बन्दै गएकाे छ ।
घ) हुवावे कम्पनीबाट प्रताडित इन्जिनियरको समाधान
नेपालमा काम गर्दै आएको चीनको हुवाई कम्पनीमा कार्यरत एकजना नेपाली इन्जिनियरलाई बदमानीपूर्वक उक्त कम्पनीले कारवाही गरेको थियो । त्यस अवस्थामा न्याय दिलाउन प्रभावकारी भूमिका खेलेर इन्जिनियरहरुको आत्मबल बढाउन हामीले विशेष भूमिका निर्वाह गरेका थियौं । जसले गर्दा त्यस पछिका दिनमा एसोसिएसन प्रति इन्जिनियर साथीहरुको आस्था अझ बढ्न गएको महसुस हामीले गरेका छौं ।
ङ) अनलाइन सदस्यता प्रणाली लागु
हामीले अनलाइन सदस्यता प्रणाली लागु गर्यौं । जुन नेपाल इन्जिनियर्स एसोसिएसनको लागि आधुनिक एवं नवीनतम प्रविधि थियो । जसले गर्दा नयाँ सदस्यता लिन चाहने साथीहरुलाई निकै सहज भएको छ । विगतमा चुनावको समयमा ठूलो लाइन लागेर सदस्यता लिनुपर्ने बाध्यात्मक अवस्था थियो । यद्यपि अनलाइन सदस्यता डाटाबेश अझै बलियो भइसकेको भने छैन । सदस्य इन्जिनियरहरुको सङ्ख्या ३७ हजार पुगिसकेको अवस्थामा यसलाई अझ प्रभावकारी बनाउँदै लैजानुपर्ने आवश्यकता छ ।
च) इलेक्ट्रोनिक भोटिङको पहल
हामीले इलेक्ट्रोनिक भोटिङको लागि पनि पहल गरेका थियौं । यो अझै सफल भइसकेकेयसलाई अबका दिनमा प्रभावकारी ढङ्गले सम्पन्न गर्नुपर्छ ।
छ) प्रकाशन र प्रचारप्रसारमा विशेष जोड
म एसोसिएसनको सदस्य रहेको ३१ औं कार्यसमितिमा मैले प्रकाशन समिति सदस्यको भूमिका पनि निर्वाह गरेको छु । हाम्रो समितिले त्यस समयमा २ ओटा पुस्तकहरु प्रकाशन गरेको थियो । जसमध्ये एउटा अनुराधा सर्माको संयोजकत्वमा प्रकाशित ‘विगतमा नेपाल इन्जिनियर्स एसोसिएसन’ हो भने दोस्रो पुस्तक काठमाडौं भित्र राणाहरुको दरबार सम्बन्धमा अध्ययन गरी जीवराज पोखरेलको संयोजकत्वमा म आफू सहसंयोजक भई प्रकाशन गरेका छौं ।
ज) न्यूनतम पारिश्रमिक निर्धारणः
मैले न्यूनतम पारिश्रमिक निर्धारण समितिको सचिवको रुपमा पनि काम गरेको छु ।
३३ औं कार्यसमितिमा डा.ई. हरि बहादुर दर्लामी नेतृत्वकाे कार्यसमितिमार्फत हाम्राे समूहले नेपाल इन्जिनियर्स एसाेसिएसनमा खेल्ने भूमिका सम्बन्धमा छिट्टै विस्तृत प्रतिबद्धतापत्र समेत सार्वजनिक गर्दैछाै । हाम्राे समूहले निर्वाह गर्ने भूमिकालाइ म निम्न बुँदाहरु मार्फत प्रष्ट पार्न चाहन्छु ।
हाम्राे अबकाे नेतृत्वले संस्थालाई व्यवस्थित र पारदर्शी बनाउने, नवप्रवेशीहरुलाइ सीपमूलक तालिमकाे व्यवस्था गर्ने, नयाँ प्रविधिकाे प्रवर्द्धन गर्ने लगायत थुप्रै नयाँ कामहरु शुरुवात गर्नुछ भने विगतका उपलब्धिहरुलाइ बचाउँदै संस्थाकाे गरिमा अझ उच्च बनाउनुछ ।
म सहित डा.ई. हरि बहादुर दर्लामी नेतृत्वकाे वृहद् लाेकतान्त्रिक समूह समूहले निर्वाचन पश्चात् अघी बढाउने कार्यहरुलाइ म निम्न बुँदाहरु मार्फत सार्वजनिक गर्दछु ।
© 2026 All right reserved to सेताेघर मिडिया नेटवर्क प्रा लि | Site By : Sobij