२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

डेभलपमेन्ट बैंकर्स एसोसिएसनको अध्यक्षमा मुक्तिनाथका पोखरेल

डेभलपमेन्ट बैंकर्स एसोसिएसनको अध्यक्षमा मुक्तिनाथका पोखरेल

काठमाडौं– डेभलपमेन्ट बैंकर्स एसोसिएसन नेपालको अध्यक्षमा मुक्तिनाथ विकास बैंकका प्रमुख कार्यकारी अधिकृत प्रद्युमन पोखरेल लगायत अन्य पदाधिकारीहरु सर्वसम्मतिबाट निर्वाचित हुनुभएको छ । चितवनमा मंगलबार सम्पन्न एसोसिएसनको १५औं वार्षिक साधारणसभाले पोखरेलको नेतृत्वमा नयाँ कार्यसमिति चयन गरेको हो ।

एसोसिएनको उपाध्यक्ष, सांग्रिला डेभलपमेन्ट बैंकका सिइओ सुयोग श्रेष्ठ, सचिवमा महालक्ष्मी विकास बैंकका सिइओ बोधराज देवकोटा र कोषाध्यक्षमा कामना सेवा विकास बैंकका प्रवीण बस्नेत निर्वाचित भएका छन् ।

त्यसैगरी, कार्यसमिति सदस्यहरुमा लुम्बिनी विकास बैंकका नरेशसिंह बोहरा, साइन रेसुंगा डेभलपमेन्ट बैंकका प्रकाश पौडेल, ज्योति विकास बैंकका श्रीचन्द्र भट्ट, सप्तकोसी डेभलपमेन्ट बैंकका नविन सुवेदी र ग्रिन डेभलपमेन्ट बैंकका सिइओ उमेशकुमार आचार्य निर्वाचित भएको एसोसिएसनले जनाएको छ ।

नवनियुक्त अध्यक्ष, पदाधिकारी र कार्यसमिति सदस्यले शपथग्रहण गरी कार्यभार पनि सम्हालिसकेको एसोसिएसनले जनाएको छ । जम्मा १५ सदस्य रहेको एसोसिएसनमा १४ सदस्य विकास बैंकका प्रमुख कार्यकारी अधिकृतको उपस्थितिमा विज्ञप्तिमा उल्लेख छ ।

नवनिर्वाचित अध्यक्ष पोखरेलले आफूलाई अध्यक्ष पदमा निर्वाचित गरेकोमा धन्यवाद ज्ञापन गर्दै सबैको सहयोगबाट विकास बैंकहरुको हकहितका लागि काम गर्ने प्रतिबद्धता जनाएको संघका कार्यालय सचिव हेमजंग कार्कीले जारी गरेको विज्ञप्तिमा उल्लेख छ ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij