२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

वरिष्ठ उपाध्यक्षका उम्मेदवार बज्राचार्य भन्छन्, संघमा सबै समेटिने वातावरण बनाउँछौं

वरिष्ठ उपाध्यक्षका उम्मेदवार बज्राचार्य भन्छन्, संघमा सबै समेटिने वातावरण बनाउँछौं

विश्वराज बज्राचार्य, वरिष्ठ उपाध्यक्ष पदका उम्मेदवार

विश्वराज बज्राचार्य ललितपुर उद्योग वाणिज्य संघको निर्वाचनमा यसपटक वरिष्ठ उपाध्यक्ष पदको लागि आफूलाई अगाडि सारेका छन् ।

उद्योग वाणिज्य संघको नेतृत्वमा विभिन्न भूमिका निर्वाह गरी व्यवसायीहरुको मनमुटुमा बस्न सफल बज्राचार्य एक कुशल नेतृत्वदायी क्षमताका व्यक्ति हुन् ।

आसन्न निर्वाचनको लागि व्यवसायीहरुसँग भेटघाटलाई तीव्र बनाइरहेका बज्राचार्य आफ्नो टीमको विजय सुनिश्चित रहेको बताउँछन् ।

व्यवसायी आफैं इमान्दार र पारदर्शी हुन सकेको खण्डमा उनीहरु राज्यका नीतिको कारण समस्यामा नपर्ने उनको बुझाई छ ।

ललितपुर उद्योग वाणिज्य संघमा अहिले सम्म करिब १७ सय व्यवसायीहरु मात्र समेटिएका छन् । १०औं हजार व्यवसायीहरु रहेको ललितपुर उद्योग वाणिज्य संघले आगामी दिनमा व्यावसायिक हकहितको लागि अन्य आकर्षित कार्यक्रमहरु ल्याई व्यवसायीहरुलाई थप आकर्षित गनुपर्ने आवश्यकता देख्छन् बज्राचार्य । सोही आवश्यकता पूरा गर्न आफू लगायत आफ्नो सम्पूर्ण टीमको विजय आवश्यक रहेको उनी बताउँछन् ।

बदलिँदो परिवेशमा समयानुकुल व्यावसायिक वातावरण पनि परिमार्जित हुँदै गएको परिस्थितिमा व्यवसायीहरु पनि सोहीबमोजिम अपडेटेड हुँदै जानुपर्ने कुरामा उनी जोड दिन्छन् ।

आफ्नो टीममा क्रियाशिल युवा उद्यमीहरुको व्यापक सहभागिता रहेको र ललितपुरका सबै किसिमका व्यवसायीहरुको आफ्नो टीममा प्रतिनिधिमूलक सहभागिता रहेकोले सबै प्रकृतिका व्यवसायीहरुका पीरमर्का बुझ्न र तिनलाई समाधान गर्न आफ्नो टीम सफल हुने उनको धारणा छ ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij