२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

नेपाल एपीएफ क्लब सेमिफाईनलमा प्रवेश

नेपाल एपीएफ क्लब सेमिफाईनलमा प्रवेश

नेपाल एपीएफ क्लबले तेस्रो संस्करणको प्रधानमन्त्री कप एकदिवसीय क्रिकेट प्रतियोगिताको सेमिफाइनलमा स्थान सुरक्षित गरेको छ।
शुक्रबार ४३ ओभरमा कटाइएको खेलअन्तर्गत एपीएफले गण्डकी प्रदेशविरुद्ध ६ विकेटको जित हात पारेको हो।

लगातार तेस्रो जितसँगै एपीएफ एक खेल खेल्नुअगावै अन्तिम चारमा पुग्यो। विभागीय टोलीले गण्डकीले दिएको १ सय २६ रनको लक्ष्य २३ ओभरमा ४ विकेट गुमाएर प्राप्त गरेको थियो। टोलीका लागि ओपनर शरद भेषवाकरले ५४ बलमा ४ चौकासहित ३५ रन बनाए। उनले विजयी चौका प्रहार गरेका थिए। त्यस्तै प्रदीप ऐरीले ३३ रन, आशिफ शेखले २० रन बनाए। ऐरीले ३० बलमा ५ चौका र १ छक्का प्रहार गरेका थिए। गण्डकीका लागि दीपेश श्रेष्ठले सर्वाधिक ३ विकेट लिए।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij