
गुल्मी चेम्बर अफ कमर्सको आयोजनामा २० चैतदेखि सञ्चालन भइरहेको प्रथम गुल्मी सांस्कृतिक तथा पर्यटन महोत्सवमा हालसम्म १३ हजारभन्दा बढी टिकट बिक्री भएका छन् । टिकट काउन्टर संयोजक तेजेन्द्र भलामीका अनुसार चार दिनमा सोही टिकट बिक्री भएका हुन् ।
महोत्सवमा पहिलो दिन निशुल्क प्रवेशको व्यवस्था मिलाइएको थियो । त्यसपछिका दिनमा सशुुल्क प्रवेशको व्यवस्था गराइएको हो । महोत्सवमा विद्यार्थी र एकल महिलाको लागि ४० प्रतिशत छुट गराइएको छ । विद्यार्थी र एकल महिला आफ्नो परिचय खुल्ने पत्रको साथमा आए ५० रुपैयाँ पर्ने टिकट ३० रुपैयाँमै उपलब्ध गराइने भलामीले जानकारी दिए । महोत्सवमा ज्येष्ठ नागरिक, असहाय तथा अपांगलाई पनि निःशुल्क प्रवेशको व्यवस्था गरिएको छ ।
महोत्सवमा पहिलो चरणको नृत्य प्रतियोगिता पनि सम्पन्न भएको छ । कुल १८ समूह प्रतिस्पर्धामा रहेकोमा हालसम्म १२ वटा छनोट भएका छन् । सोमबारबाट दोस्रो चरणको प्रतियोगिता सुरु हुनेछ । आजको राजधानी दैनिकबाट |
© 2026 All right reserved to सेताेघर मिडिया नेटवर्क प्रा लि | Site By : Sobij