२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

ठगी मुद्दा लागेका गण्डकी मेडिकल कलेजका दुई कर्मचारी संग ३४ लाखको धरौटी

ठगी मुद्दा लागेका गण्डकी मेडिकल कलेजका दुई कर्मचारी संग ३४ लाखको धरौटी

गण्डकी मेडिकल कलेजका दुई कर्मचारीबाट कास्की जिल्ला अदालतले जनही १७ लाख धरौटी लिएर तारेखमा छाडेको छ । ठगी मुद्दामा पक्राउ परेका दुई कर्मचारीलाई जिल्ला न्यायाधीश लालकाजी श्रेष्ठको इजलासले सोमबार कलेजका प्रमुख कार्यकारी अधिकृत सन्तोष खनाल र परीक्षा नियन्त्रक लक्ष्मणप्रसाद शर्मासँग उक्त धरौटी मागको आदेश गरेको हो ।

सरकारले तोकेभन्दा बढी रकम असुलेर ठगी गरेको भन्दै कारवाहीको मागसहित विद्यार्थीले कलेज अध्यक्ष खुमा अर्यालसहित पदाधिकारी र कर्मचारी गरी ११ जनाविरुद्ध विभिन्न ५ जाहेरी दिएका थिए।

गण्डकी मेडिकल कलेजका विद्यार्थी र अस्पताल प्रशासनबीच २०७४ माघ १५ मा छलफल भइ चिकित्साशास्त्र अध्ययन संस्थानको नीति, निर्देशन तथा तोकिएको शुल्क लिने र बढी शुल्क लिएको भएमा फिर्ता गर्ने सहमति देखिएको आदेशमा छ।

सरकारले तोकेभन्दा बढी रकम असुलेर ठगी गरेको भन्दै कारवाहीको मागसहित विद्यार्थीले विभिन्न ५ जाहेरी दिएका थिए। ५ मध्ये ४ वटामा खनाल र शर्मालाई विपक्षी बनाइएको छ। जाहेरीमा मुलुकी ऐन र मुलुकी अपराध संहिताअनुसार कारवाही माग दाबी गरिएको थियो। मुलुकी ऐनको ठगी महलको ४ नम्बर अनुसार ५ वर्ष कैद र विगो भराइ बिगो बमोजिम जरिवाना माग गरिएको थियो भने अपराध संहिताको दफा २४९ अनुसार सात वर्षसम्म कैद र ७० हजार रूपैयासम्म जरिवाना मागिएको थियो। जाहेरीमा १ करोड ७३ लाख ५६ हजार ७ सय ८२ रूपैया कुल विगो कायम छ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij