
भूकम्प प्रभावित जिल्लाबाट लाभग्राहीमा नपरेको भनी गुनासो दर्ता गराएका कारण राष्ट्रिय पुनर्निर्माण प्राधिकरणले पुनः जाँच तथा सर्वेक्षण गर्ने निर्णय गरेको हो। ३२ वटै जिल्लाका गुनासोकर्ताको छुट तथा पुनः जाँच सर्वेक्षण गर्न लागिएको प्राधिकरणका प्रवक्ता पीताम्बर घिमिरले बताए।
‘यही चैत्र १५ देखि सम्पूर्ण भूकम्प प्रभावित जिल्लामा प्राधिकरणबाट हरेक स्थानीय तहमा परिचालित इन्जिनियरमार्फत स्थलगत लगत संकलन गरिन लागिएको हो,’ उनले भने। निजी आवास पुनर्निर्माण लाभग्राहीमा सूचीकृत हुन पाऊँ भनी गुनासो दर्ता गराएका थिए।
गुनासो सम्बोधनअन्तर्गत पहिलेको मुख्य सर्वेक्षणमा छुटेका गुनासोकर्ताहरु, सर्वेक्षणबाट थप यकिन गर्नुपर्ने भनी तोकिएका गुनासोकर्ताहरूको हकमा पुनःसर्वेक्षण गर्न लागेको हो।
घिमिरेका अनुसार छुट तथा पुनःजाँच सर्वेक्षण २०७४ मा लगत संकलन नभएका गुनासोकर्ताहरू र स्थानीय तहमा तोकिएको समयसीमाभित्र नयाँ दर्ता गरिएका गुनासोहरूको पनि सर्वेक्षण गर्न लागिएको हो।
© 2026 All right reserved to सेताेघर मिडिया नेटवर्क प्रा लि | Site By : Sobij