नेपाल भ्यालुयर्स एसोसिएसन गण्डकी प्रदेशको प्रथम अधिवेशनबाट राजेन्द्र लिगलको नेतृत्वमा नयाँ कार्यसमिति सर्वसम्मत रुपमा निर्वाचित भएको छ ।
शनिबार सम्पन्न अधिवेशन मार्फत एसोसिएसनको नयाँ नेतृत्वको उपाध्यक्षमा सुरेन्द्र बहादुर गोदार, सचिवमा राजेश भट्टराई, कोषाध्यक्षमा हरि प्रसाद अधिकारीले जिम्मेवारी पाएका छन् ।
यसैगरी एसोसिएसनका कार्यसमिति सदस्यहरुमा आनन्द सापकोटा, सुरेन्द्र पाण्डे, कौशल चन्द्र जिसी, रामचन्द्र पोखरेल, गणेश कँडेल, नविन सुवेदी र रमेश पौडेल चुनिएका छन् ।
नयाँ नेतृत्वको जिम्मेवारी लिँदै अध्यक्ष ई. राजेन्द्र लिगलले अहिले पनि धितो मूल्याङ्कनकर्ताहरु विभिन्न समस्याहरुबाट पीडित रहँदै आइरहेको अवस्थाको स्मरण गराउँदै आफूले धितो मूल्याङ्कन क्षेत्रलाई व्यवस्थित र बलियो बनाउनको लागि सक्दो प्रयाश गर्ने र पेशागत मर्यादा कायम राख्दै व्यावसायिक एकता सुदृढ बनाउन निरन्तर क्रियाशिल रहने प्रतिबद्धता जनाउनुभएको छ ।
© 2026 All right reserved to सेताेघर मिडिया नेटवर्क प्रा लि | Site By : Sobij