नेकपा एमाले अर्घाखाँची काठमाडौं सम्पर्क मंचको ११ औं सम्मेलनको तयारी पुरा भएको छ ।
आज प्रदेश सम्पर्क कमिटीको कार्यालयमा पत्रकार भेटघाटमा यहि फागुन १४ गते हुने सम्मेलनको तयारी सकिएको जानकारी दिइएको छ । सम्मेलनको उद्घाटन महासचिव शंकर पोख्रेलले गर्नुहुनेछ । सम्मेलनमा ७०० भन्दा बढीको उपस्थिति रहने संयोजक बिशाल मिश्रले जानकारी दिनुभयो ।
एमाले अर्घाखाँची काठमाडौ सम्पर्क मंच सम्मेलनको लागि हाइटेक प्रविधि भित्र्याइएको छ । प्रतिनिधि कार्ड डिजिटल बनाइएको छ ।
सम्मेलनको लागि गएको शनिबार नै प्रतिनिधि छानिएका छन् । अधिवेशनको बन्द सत्रबाट ७३ सदस्यीय जिल्ला मंच गठन हुनेछ । नयाँ नेतृत्वका लागि सर्वसम्मतीको प्रयास भइरहेको नेताहरुले जनाएका छन् । यसैबिच शनिबार हुने कार्यक्रमको लागि अर्पण बैंक्वैट नयाँ बानेश्वर थापागाउँ बुकिङ गरिएको र सम्मेलन अवधिभर खाना खाजाकाे व्यवस्था गरिएको भोजन व्यवस्थापन उपसमिति संयाेजक मोतीराज खनालले बताए ।
© 2026 All right reserved to सेताेघर मिडिया नेटवर्क प्रा लि | Site By : Sobij