काठमाडौं– सर्वोच्च अदालतपछि अब उच्च तथा जिल्ला अदालतमा पनि गोला प्रणालीबाट पेसी तोकिने भएको छ।
उच्च र जिल्ला अदालतमा आगामी माघ २ बाट गोला प्रणाली लागू गर्ने निर्णय सर्वोच्च अदालतका न्यायाधीशहरूको पूर्ण बैठकले गरेको हो। बुधबार बसेको पूर्ण बैठकले माघ १ सम्म गोला प्रणालीमा जान सम्पूर्ण तयारी गर्ने र २ गतेदेखि लागू गर्ने निर्णय गरेको हो।
उक्त व्यवस्था लागू गर्ने गरी यसअघि नै मातहतका अदालतमा परिपत्र भइसकेको छ।
निर्णयअनुसार अब उच्च अदालत नियमावली र जिल्ला अदालत नियमावली संशोधन हुनेछ। पेसी तोक्ने व्यवस्थाको अधिकार हालसम्म उच्चमा मुख्य न्यायाधीश र जिल्लामा पनि वरिष्ठतम् पहिलो नम्बरको न्यायाधीशलाई छ।
प्रधानन्यायाधीश चोलेन्द्रशमशेर जबराविरुद्ध असन्तुष्ट न्यायाधीशहरूको निर्णयबाट मङ्सिर १५ देखि गोला प्रणाली लागू भएको हो।
© 2026 All right reserved to सेताेघर मिडिया नेटवर्क प्रा लि | Site By : Sobij