२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

ठेक्का लिएर काम नगर्ने ११ निर्माण कम्पनी कालो सूचीमा (नामसहित)

ठेक्का लिएर काम नगर्ने ११ निर्माण कम्पनी कालो सूचीमा (नामसहित)

काठमाडौं । सरकारले सडक निर्माणको ठेक्का लिएर अलपत्र पार्ने ११ वटा निर्माण कम्पनी तथा आपूर्तिकर्ता कम्पनीलाई कालो सूचीमा राखेको छ ।

सार्वजनिक खरिद अनुगम कार्यालयले सार्वजनिक खरिद ऐन २०६३ को दफा ६३ को उपदफा (१) बमोजिम ती कम्पनीलाई १ वर्षका लागि कालो सूचीमा राखेको हो ।

सडक विभाग, सडक डिभिजन कार्यालय हेटौंडाले लेखी पठाए अनुसार ती कम्पनीहरुलाई कालो सूचीमा राखिएको कार्यालयले जनाएको छ ।

कालो सूचीमा पर्ने कम्पनीहरुमा हेटौंडाको हेटौंडा कन्स्ट्रक्सन, रौतहटको सरस्वती कन्स्ट्रक्सन, वीरगञ्जको अभय कन्स्ट्रक्सन, बाराको जन जागृती कन्स्ट्रक्सन, बाराकै विशाल कन्स्ट्रक्सन, मकवानपुरको विनायक कन्स्ट्रक्सन, मकवानपुरकै शर्मिला निर्माण सेवा रहेका छन् ।

त्यस्तै, काठमाडौंको नयाँ युग निर्माण सेवा, पर्साको शिव निर्माण सेवा, मकवानपुरको आर एर निर्माण सेवा र मकवानपुरकै बी ब्रदर्श निर्माण सेवा रहेका छन् ।

कालो सूचीमा परेका यी कम्पनीहरुले अब १ वर्षसम्म कुनै खरिद प्रक्रियामा भाग लिन पाउने छैनन् ।

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij