२०८३ मंसिर ७ आइतबार

Nov 22 2026 Sunday

  • २०८३ मंसिर ७ आइतबार

२०८३ मंसिर ७ आइतबार

यस्तो छ स्थानीय गाई तथा गोवंशको वैज्ञानिक महत्व (भिडियोसहित)

यस्तो छ स्थानीय गाई तथा गोवंशको वैज्ञानिक महत्व (भिडियोसहित)

काठमाडौं । स्थानीय जातिका गोवंशको महत्व विशेष रहेको प्रमाणित भइसकेको छ । तर, त्यो विशेषताप्रति वर्तमान मानव समाजले अनभिज्ञ रहेको पाइन्छ । साथै स्थानीय जातिका गोवंशको महत्व थाहा नहुँदा र राज्यसँग यी गोवंशको सदुपयोग गर्ने नीति तथा कार्यक्रम नहुँदा दुध कम दिने दोषमा स्थानीय जातिका गाईगोरु तथा  बाच्छाबाच्छी पाल्न मन नगर्ने, छाडा छोडिदिने चलन बढेको छ ।

छाडा छोडिएका गाईगोरुहरूले किसानको खेती बाली खाइदिने, सडक, बजार, गल्ली एवं गाऊँघरमा यातायात अवरुद्ध हुने जस्ता समस्या बढेका छन् । एकातर्फ यस प्रकारको समस्यालाई समाधान गर्न सम्बन्धित स्थानीय सरकारलाई गाह्रो परिरहेको बुझिन्छ । भने अर्कोतर्फ छाडा छोडिएका गाईगोरु एवं बाच्छा बाच्छीलाई हाकाहाकी दिनदहाडै कटानीको लागि विदेश तस्करी गर्ने गरेको पाइने गरेको छ । समस्याको उचित समाधान गर्न नसकेको तहगत सरकारले तस्करीमा मौनता देखाइरहेको छ भने कतिपय अवस्थामा प्रहरी प्रशासनले समेत सहयोग गरेका समाचारहरू पनि आइरहेका छन् ।

सडकहरूमा सवारीसाधनले हानेर दैनिक कति गाईगोरु तथा बाच्छाबाच्छी मरिरहेका त कति घाइते भइरहेका देखिन्छन् । यो समस्या बिकराल हुँदै गएको छ । यस प्रकारको समस्याप्रति तहगत कुनै पनि सरकार मौन रहेका देखिन्छ । जनस्तरबाट पनि यसको बारेमा खासै आवाज उठ्न सकेको छैन नै । सर्वसाधारणको वास्ता हराउँदै गएको र राज्य एवं अन्य विभिन्न निकायले पनि यो गोवंशप्रति तिरस्कार गर्दै उल्टै अप्रत्यक्ष रुपमा ती गाई गोरु बाच्छा बाच्छीलाई मारेर गिद्य पोस्ने जस्ता काम भइरहेको बेलामा यदाकदा झिनो रूपमा भएपनि स्थानीय जातका गोवंशको संरक्षण हुनपर्ने चेतना अभिवृद्धि हुन भने थालेको छ ।

यसै सन्दर्भमा एक व्यक्तित्त्वले स्थानीय गाई एवं गोवंशको महत्त्वको बारेमा एक वक्तव्य जारी गरेका छन् । ज्यो. पं. वैद्यराज दीपक सुवेदीले आफ्नो युट्युब (एस्ट्रोलोजर दीपक गुरु) मार्फत सो वक्तव्य जारी गरेका हुन् । उनले सो आफ्नो भनाईमा स्थानीय गोवंशको संरक्षण गर्नको लागि गौ सेवा कोष स्थापना गरिएको बताएका छन् भने

यी गोवंशको महत्वको बारेमा विभिन्न वैज्ञानिक चर्चा पनि गरेका छन् ।
विश्वले सबै प्राणी एवं जीवजन्तुको अस्तित्त्व स्वीकार गरिरहँदा नेपालमा प्राचीनकालदेखि रहेका स्थानीय गोवंशको संरक्षण र तीनबाट प्राप्त हुने पदार्थको सदुपयोग एवं महत्त्वको बारेमा अध्ययन, सोधखोज र सचेतना हुन जरुरी छ । त्यस क्षेत्रप्रति जनस्तरदेखि सबै तहले देखाउँदै आएको वितृष्णाले निरन्तरता पाइरहने हो भने त्यसको परिणाम गम्भीर पश्चाताप पर्ने पो हुनसक्छ कि ? समयमै सम्बन्धित सबैले ध्यान पुर्याउनु बुद्धिमानी होला ।

हेर्नुहोस्, ज्योतिष सुवेदीले गाइको महत्वबारे बताएको यो भिडियो

प्रतिक्रिया दिनुहोस्
थप समाचार

© 2026 All right reserved to सेताेघर मिडिया नेटवर्क प्रा लि  | Site By : Sobij