म्यानचेस्टर युनाइटेड इएफएल कपको सेमिफाइनलमा प्रवेश


काठमाडौं । म्यानचेस्टर युनाइटेड इएफएल कप फुटबलको सेमिफाइनलमा प्रवेश गरेको छ । बुधबार राती भएको खेलमा वेष्ट ह्यामलाई ४–१ ले हराएर म्यानचेस्टर युनाइटेडले अन्तिम चारमा स्थान बनाएको हो ।

घरेलु मैदानमा भएको खेलमा म्यानचेस्टर युनाइटेडलाई जिताउन जाल्टन इब्राहिमोविच र एन्थोनी मार्सलले दुई–दुई गोल गरे । वेष्ट ह्यामका लागि एसले फ्लेचरले एक गोल फर्काए । इब्राहिमोविचले दोस्रो मिनेटमा नै गोल गर्दै युनाइटेडलाई सुरुवाति अग्रता दिलाए ।

तर ३५ औं मिनेटमा वेष्ट ह्यामका फ्लेचरले गोल गरेपछि पहिलो हाफमा १–१ को बराबरी भयो । ४८ र ६२ औं मिनेटमा मार्सलले गोल गर्दै युनाइटेडलाई ३–१ को अग्रता दिलाए ।

इन्जुरी समयमा इब्राहिमोविचले गोल गरेपछि म्यानचेस्टर युनाइटेड ४–१ ले विजयी भयो । म्याचेस्टर युनाइटेडले सेमिफाइनलमा हल सिटीसँग खेल्ने सम्भावना छ ।

Comment

Related News 

© 2016 All right reserved to

%d bloggers like this: