ब्राजिलको फुटबल क्लबका खेलाडसहित ८१ जना रहेको जहाज दुर्घटना


काठमाडौं । ब्राजिलको एक फुटबल क्लबका खेलाडीसहित ७२ जना यात्रु र चालक दलका ९ सदस्य गरी ८१ जना रहेको जहाज कोलम्बियामा दुर्घटना भएको छ । कोलम्बियाको मेडेल्लिन शहर नजिक ब्राजिलको फुटबल क्लब चापेकोएन्सेका
खेलाडीसहितका यात्रु रहेको विमान दुर्घटना भएको हो । बोलिभियाबाट उडेको चाटर्ड जहाज दुर्घटनामा परेको कोलम्बियाको नागरिक उड्डयन विभागले जनाएको छ ।

टिमले साउथ अमेरिकी क्लब कपको फाइनलमा कोलम्बियाको टिम एथ्लेटिको नेसिओनलसँग बुधबार खेल्न बाँकी थियो । दुर्घटनापछि फाइनल खेल स्थगित गरिएको छ ।

पहाडी क्षेत्रमा नेपाली समय अनुसार मंगलबार बिहान पौने ११ बजे जहाज दुर्घटना भएको हो । घटनाको विस्तृत विवरण आउन बाँकी छ । केही मानिस बाँचेको हुन सक्ने अनुमान छ ।

Comment

Related News 

© 2016 All right reserved to

%d bloggers like this: