खोटाङमा पहिलो चोटी बिजुली बत्ति : स्थानीय खुसी


जिल्लाको दिप्रुङ चुइचुम्मा गाउँपालिका–६ छितापोखरीमा विद्युतको केन्द्रीय प्रसारण लाईन विस्तार गरिएको छ। नेपाल विद्युत प्राधिकरण र गाउँपालिकाले गत वर्ष बिनियोजन गरेको २० लाखको खर्चमा छितापोखरीमा दिक्तेल–गाईघाट केन्द्रीय प्रशारण लाईन अन्तरगतको विद्युत विस्तार गरिएको हो।

विद्युतको पोल राख्ने, तार टाँग्ने, घर–घरमा वायरिङ गर्नेलगायतका काम सम्पन्न भएपछि सोमबार गाउँपालिका अध्यक्ष भूपेन्द्र राईले स्वीच अन गरेर विद्युत उद्घाटन गरेका हुन्। सोलार र टुकी प्रयोग हुँदै आएको गाउँमा विद्युत विस्तार हुँदा छितापोखरीका १ सय १० घर झिलीमिली भएको छ। केन्द्रीय प्रशारण लाईनको पहुँच विस्तार भएपछि स्थानीय हर्षित भएका छन्। विजुली बलेपछि कम्प्युटर, टेलिभिजन, मोबाईल, कुटानी पिसानीका मिल, फ्रिजलगायतका विद्युतीय उपकरण सञ्चालज गर्न सहज भएको छ।

७ वडा रहेको दिप्रुङ चुइचुम्मा गाउँपालिकाको बतासे, याम्खा र छितापोखरीका केही भागमा मात्र विद्युत बिस्तार हुन बाँकी रहेको गाउँपालिका अध्यक्ष राईले बताए।

Comment

Related News 

© 2016-2019 All right reserved to सेताेघर मिडिया नेटवर्क प्रा लि | Site by : SobizTrend Technology

%d bloggers like this: