अर्को वर्ष आर्थिक वृद्दी ७% बढी हुने !


नेपाल राष्ट्र बैंकका गभर्नर चिरञ्जीवी नेपालले चालु आर्थिक वर्षको आर्थिक वृद्धिदर सात प्रतिशतभन्दा माथि हुने बताएका छन्। बुधबार बिराटनगरमा नेरुडे लघुवित्त वित्तीय संस्थाको नवनिर्मित भवनको उद्घाटन गर्दै गभर्नर नेपालले उक्त धारणा राखेका हुन्।

हेर्दा आर्थिक रुपमा धेरै फड्को मारेजस्तो नदेखिए पनि भित्रभित्रै विगतभन्दा बढी आर्थिक क्रियाकलाप भइरहेका कारण आर्थिक वृद्धिदर सात प्रतिशतभन्दा बढी हुन लागेको नेपालले बताए। उनका अनुसार दुई तिहाइ बहुमतको स्थिर सरकार निर्माण भएर राजनीतिक स्थिरता भएको, समयानुकूल नया“ नियम कानुन निर्माण भएकाले देशमा आर्थिक क्रियाकलाप बढेको छ।

गभर्नर नेपालले भने, ‘स्थिर सरकारका कारण आर्थिक क्रियाकलाप बढेकाले चालु आवको आर्थिक वृद्धिदर सात प्रतिशतभन्दा बढी हुने राष्ट्र बैंकको अनुमान छ।’ उनले दिगो आर्थिक वृद्धिका लागि नेपालीको मानसिकता परिवर्तन जरुरी रहेको बताए। ‘जबसम्म काम गर्न विदेश जाने प्रवृत्ति नेपालीमा रहन्छ तबसम्म देशले आर्थिक रुपमा फड्को मार्न सक्दैन,’ नेपालले भने। नेपालमा उत्पादन हुने तरकारी, फलफूल, खाद्यान्नमा पनि परनिर्भर हु“दै जानु दुखद भएको उनले बताए।

Comment

Related News 

ताजा अपडेट

© 2016-2019 All right reserved to सेताेघर मिडिया नेटवर्क प्रा लि | Site by : SobizTrend Technology

%d bloggers like this: