शरीरको तौल घटाउने उपाय


सौखिन जीवनशैली, असन्तुलित खानपान र व्यायामका लागि पर्याप्त समय अभावजस्ता कुराले मानिसको तौल बढ्दो छ । आवाश्यकताभन्दा बढी तौल बढ्नुलाई चिकित्सकीय भाषामा मोटोपना भनिन्छ । मोटोपना धेरैका लागि समस्यासमेत बनेको छ । यद्यपि, आफ्नो जीवशैलीमा ध्यान पु¥याउन सके प्राकृतिक तरिकाले नै मोटोपना हटाउन सकिन्छ ।

बिहानको खाजा धेरै खानुहोस् । सामान्यतया ब्रेकफास्ट सन्तुलित मात्रमा लिनु स्वास्थ्यका लागि राम्रो मानिन्छ । तर, कम ब्रेकफास्टले दिउँसोको समयमा बढी भोक लाग्छ र आवश्यकताभन्दा बढी क्यालोरीयुक्त खाना खाइन्छ । तसर्थ, बिहानको समयमा धेरै ब्रेकफास्ट लिनु तौल घटाउनुको उपाय बन्न सक्छ ।

पानीको मात्रा कम भएका पेयपदार्थ सकेसम्म कम लिने । सोडा र जुसजस्ता पेयपदार्थमा चिनीको मात्रा बढी हुन्छ । जसले मोटोपना निम्त्याउँछ ।

चिस्याएका फलफूल र सागसब्जी खानुहोस् । मौसमी ताजा फलफूललाई चिस्याएर यसमा भएको पोषण नष्ट हुनबाट जोगाइन्छ । आइसबक्समा राखेको फलफूल तथा सागसब्जीले स्वस्थ बनाउनुका साथै पिज्जा, बर्गरलगायत फ्याटी खानेकुरामा निर्भर हुने आदत घटाउँछ ।

कालो चिया पिउनुहोस् । बिहानको चियाले फुर्तिलो बनाउनुका साथै थप ऊर्जा प्रदान गर्छ । एक कप चिया पिउँदा त्यसले करिब तीन घन्टा ऊर्जा प्रदान गर्छ । तर, बढी कफी पिउनु स्वास्थ्यका लागि राम्रो हुँदैन ।

नियमित रोटी खानुहोस् । गहुँको रोटी, खैरो चामल र मकैको फल खाने मानिसमा तौल बढ्ने खतरा झन्डै ५० प्रतिशत कम हुन्छ । आजको नयाँ पत्रिका दैनिकमा समाचार छ |

Comment

Related News 

© 2016-2019 All right reserved to सेताेघर मिडिया नेटवर्क प्रा लि | Site by : SobizTrend Technology

%d bloggers like this: