‘चौका दाउ’ मा बर्षा कसकी पियारी ? (भिडियो)


काठमाडौं । हास्य कलाकारहरुको बाहुल्यता रहेको कमेडी फिल्म ‘चौका दाउ’ को पहिलो गीत इन्टरनेट रिलिज भएको छ । ‘राधा पियारी…’ बोलको गीतमा चर्चित संगीतकार तथा गायक शम्भुजित बाँस्कोटाले स्वर भरेका छन् ।

उनलाई गायनमा कोमल राजभण्डारीले साथ दिएकी छन् । श्रीपुरुष ढकाल र दयाराम पाण्डेको शब्द रहेको गीतमा गायक बाँस्कोटा स्वयमको संगीत रहेको छ । गीतको भिडियोमा फिल्मका लिड कलाकारहरु फिचर्ड छन् ।

कलाकारहरु विल्सन विक्रम राई, सन्तोष पन्त, रविन्द्र झा अभिनेत्री बर्षा राउतलाई ‘राधा पियारी’ भन्दै पछि परेका छन् । गीतमा बर्षाका लागि मरिहत्ते गर्ने युवा र अर्धबैशे पुरुष पात्रहरुको चरित्र चित्रण गरिएको छ ।

लोक फ्लेवरमा तयार पारिएको गीतले फिल्मको मूल कथा प्रस्ट्याएको निर्देशक पुर्नेन्दु झाले बताए । यसमा संगीतकार बाँस्कोटाको कथा छ । उक्त फिल्ममा तैयव शाह, निर्मल शर्मालगायतका कलाकारहरुको पनि अभिनय छ ।

सौर्यजित बाँस्कोटा र मनोज राजभण्डारीको निमार्ण रहेको यो फिल्मलाई दिर्घ गुरुङले खिचेको हुन । ‘चौका दाउ’ मा भिमफेदी ग्याइजको कोरियोग्राफी र मित्र डि.गुरुङको सम्पादन रहेको छ ।

Comment

Related News 

© 2016-2018 All right reserved to सेताेघर मिडिया नेटवर्क प्रा लि | Site by : SobizTrend Technology

%d bloggers like this: