अनशनरत डा. गोविन्द केसीको मुुटुको चालमा गडबडी देखिएको छ । 
चिकित्सकहरूले रगतमा म्याग्नेसियम र चिनीको मात्रा घट्दै जाँदा हृदय गति बन्द हुन सक्ने खतरा औंल्याएका छन् ।
डा. केसीको रगतमा चिनीको मात्रा कम हुँदै गएको र उनले ग्लुकोज लिन समेत नमानेकाले अहिले ग्लुकोज नभएका अन्य आइभी फ्लुड दिइएको उपचारमा संलग्न चिकित्सकत्रय प्रवीणकुमार गिरी, धिरज गुरुङ र सिद्धार्थ खातीले सोमबार जनाएका छन् । सेतो रक्तकोषको कमीले गर्दा अहिले संक्रमणबाट बचाउन उनलाई कर्णाली चिकित्सा विज्ञान प्रतिष्ठानको स्पेसल केयर युनिटमा राखिएको छ ।
रगतमा ग्लुकोज र अक्सिजनको कमी हुँदा मस्तिष्क घात हुने खतरा पनि उस्तै छ । सेता रक्तकोषको कमी, पिसाबमा किटोन बढी हुँदै जाँदा निमोनियाको जोखिम हुन्छ । निमोनियाका कारण मृत्युको खतरा रहन्छ । अहिले उनको छातीको बीच भागमा दुखाइ रहेको बताइएको छ ।
डा. केसीलाई एअरलिफ्टबाट काठमाण्डु लैजान चिकित्सकहरूले सुझाव दिएका छन् । कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा दश दिनदेखि अनशनरत डा. केसीलाई काठमाण्डु लैजानुको विकल्प नभएको चिकित्सकहरूले बताएका हुन् । चिकित्सकहरुले उनलाई समयमा काठमाण्डु लगेर उपचार नगरे जे पनि हुन सक्ने चेतावनी दिएका छन् ।
Comment
ताजा अपडेट
- घुससहित शिक्षा कार्यालय प्रमुख पक्राउ
- मन्त्री खनाल र देशीय निर्देशकबीच भेटवार्ता !
- नेकपाको राष्ट्रिय सभाको मुख्य सचेतकमा भट्टराई
- डिश होमले किन्यो सिम टिभी
- ३५ औं बर्थ डे लण्डनमा मनाउदै कट्रिना कैफ
- डा. केसीसँग वार्ता गर्न सरकारी वार्ता टोली गठन
- निषेधित क्षेत्र कार्यान्वयन गर्न सर्वोच्चको रोक !
- दुई पेस्तोल र ५६ राउण्ड गोलीसहित ललितपुरबाट दुई जना पक्राउ
- संसदको दोस्रो बैठक पनि अवरुद्ध
