लालबाबु राउतको मन्तव्यप्रति भारतकाे यस्ताे प्रतिक्रिया


काठमाडौँ –वैशाख २८ गते भारतीय प्रधानमन्त्री नरेन्द्र मोदी जनकपुर भ्रमणको बेला प्रदेश २ का मुख्यमन्त्री लालबाबु राउतले दिएका मन्तव्यको विवाद अझै सेलाएको छैन । मुख्यमन्त्री राउतले संविधानप्रति असन्तुष्टि जनाउँदै त्यसका लागि सङ्घर्ष जारी राखेको मन्तव्य भारतीय प्रधानमन्त्री मोदीका अगाडि राखेका थिए । ‘मुख्यमन्त्री राउतले यस्तो मन्तव्य दिँदा मोदीलाई अप्ठ्यारो लागिरहेको थियो ।’ दूतावास स्रोतको दावी छ । 

भारतीय दूतावासका एक कर्मचारीले भने, ‘प्रधानमन्त्री मोदी जनकपुर भ्रमण गरेर मधेसीलाई साथ दिन आउनुभएको थियो, मधेससँगको सम्बन्ध विस्तार गर्न आउनुभएको थियो । मधेसलाई केन्द्रसँग जोड्न आउनुभएको थियो । तर, मुख्यमन्त्रीजीले यस्तो मन्तव्य दिएकि मोदीको पनि आलोचना हुन थाल्यो । यसले नमज्जा लागेको छ ।’

यसअघि नेपाल भ्रमणमा आएका भारतीय प्रधानमन्त्री मोदीले मधेसको नाम नै लिएर राज्यमा समावेशी प्रतिनिधित्वको कुरा उठाएका थिए । त्यतिबेला पनि मोदीको यति आलोचना भएको थिएन, जति आलोचना अहिले भइरहेको छ ।

Comment

Related News 

ताजा अपडेट

© 2016-2018 All right reserved to सेताेघर मिडिया नेटवर्क प्रा लि | Site by : SobizTrend Technology

%d bloggers like this: